Tittel: Sykepleiere/Vernepleier

Stillinger: 5

Kontraktstype: Fast

Stillingsprosent: 100%

Sted: Surnadal

Arbeidsgiver: Surnadal kommune

Ref.kode: 101

Søknadsfrist: 31-05-2018

Søk stillingen HER.

Besøk vår hjemmeside.

Følg Surnadal kommune på:

Inntil 5 x 100% sjukepleiar- og vernepleiestillingar

Ved Surnadal sjukeheim ønskjer vi å styrke sjukepleiar- og vernepleiardekninga vår med inntil 5 x 100 % stillingar. Vi har ledig faste stillingar og vikariat både i turnus og på natt. Vi har årsturnus.

Om oss:

Vi har pr i dag 67 institusjonsplassar med langtidsavdelingar, demensavdeling og kortidsavdeling. Det er knytt ein observasjonspost til korttidsavdelinga, der vi m.a tek i mot pasientar som kjem frå sjukehus, palliative pasientar og andre med behov for sjukepleiefagleg hjelp i institusjon.

Som tilsett er du anten tilknytta ei av avdelingane eller i bemanningspool. I bemanningspool har du mulegheit for større variasjon i arbeidsdagane då du møter ulike pasientgrupper gjennom å arbeide på fleire av avdelingane på huset. Tilpasningar av arbeidsstad på huset må påreknast etter behov.

Vi er ein aktiv sjukeheim der kvalitetssikring av tenestene og heilheitleg pasientforløp har fokus. Fagutvikling og kompetanseheving er kontinuerlege fokusområde. Vi driv mykje internundervisning og har eigen fagutviklingssjukepleiar samt eiga kvalitetsgruppe. Vi har spesialkompetanse innan palliasjon, psykisk helse, sårbehandling, demens- og kreftomsorg. Vi jobbar med kompetanseplan og for å sikra mangfald i kompetansen i åra som kjem for å kunne møte fleire brukargrupper og meir komplekse helsetilstandar, i tråd med samhandlingsreformen.

Aktiv bruk av velferdsteknologi er eit satsingsområde for kommunen og vi ønskjer å tileigne oss gode løysingar retta mot sjukeheimsdrift i åra som kjem.

Vi praktiserer stille rapport for best muleg kvalitet i dokumentasjon og rapport og vi har primærkontaktfunksjon for våre pasientar. Døgnrytmeplana vår er tilrettelagt for aktivitetar med pasientane og vi har eigen trivselvert-rolle i avdelingane. Vi har både innandørs- og utandørs aktivitetar slik som dans, innebandy og sang som faste aktiviteter for pasientane. Ellers kan det vere baking, spel, bingo, ut på turar og meir til etter pasientane sine ønskje. Vi har òg eit SPA-rom der pasientane kan få massasje og hudpleie.

Vi søkjer etter personar med følgjande kvalifikasjonar:
- utdanning som sjukepleiar eller vernepleiar
- norsk offentleg autorisasjon
- søkjarane må kunne kommunisere godt på norsk og ha god skriftleg og munnleg framstillingsevne.

Arbeidsoppgåver:
- sjukepleiefaglege oppgåver og ansvar
- teamleiarfunksjon
- koordinering og dialog med heimeteneste og spesialisthelseteneste
- veiledning og opplæring
- pleie og omsorgsarbeid
- planlegge og gjennomføre aktiviteter med pasientar
- dokumentasjon/ stille rapport i fagsystemet Gerica
- tverrfagleg samarbeid
- delta i refleksjonsgrupper
- legemiddelhandtering/ Multidose

Personlege eigenskaper:
Vi ønskjer deg som vil vere med å skapa ein meiningsfylt og trygg kvardag for våre pasientar, som ser verdien av heilhetleg og personsentrert omsorg, og betydninga av aktiviteter og mobilisering av pasientens ressursar. Du brenn for faget, tek ansvar og arbeider målretta med pasientintervensjonar og oppfølgjing av desse.
Du er vennleg og tillitsvekkande, fleksibel, viser initiativ, og er delaktig i utviklinga for godt pasientarbeid og arbeidsmiljø, har pågangsmot, løysingsfokus og gode samarbeidsevner.

Vi ønskjer både deg som er erfaren, deg som er nyutdanna og gjerne menn, for å til saman få ei godt samansett og dynamisk personalgruppe.

Godt arbeidmiljø er viktig for oss, vi meiner at å ha det greit på arbeid er ei forutsetning for godt pasientarbeid og samarbeid i personalet. Målet er trivsel, og å førebyggja arbeidsrelatert fråvær. Vi ansvarleggjer alle ansatte for å medverka til eit godt arbeidsmiljø. Vi har ei eiga arbeidsmiljøgruppe der ulike arbeidsmiljøtema blir drøfta og tiltak vurdert. Vi tenkjer at involvering, inkludering, respekt og likeverd er sentrale verdiar for eit godt arbeidsmiljø.

Vi tilbyr:
- lønn i fht. gjeldande avtaleverk
- gode pensjons- og forsikringsordningar
- årsturnus med mulegheit for individuell tilpassing etter ønskje
- flyttegodtgjersle ihht. kommunen sin personalplan

Tilsettingsvilkår:
Tilfredsstillande politiattest, ikkje eldre enn 3 månader, skal leggast fram før tiltreding.

Søknad skal sendast:
Alle opplysningar om utdanning og arbeidserfaring må leggast inn i det elektroniske rekrutteringssystemet og
søknader blir i første omgang vurdert ut frå opplysningane i skjemaet. Kopiar av attestar og vitnemål kan ikkje lastast opp i søknaden men er først aktuelt å ta med til eit eventuelt intervju.

For næremere opplysninger:

Surnadal kommune

ligg på Nordmøre ved foten av Trollheimen og har ca 6000 innbyggjarar. Vi har eit variert næringsliv og barnehage- og skuletilbodet er godt utbygd. Kommunen har eit svært allsidig kultur- og organisasjonsliv.Naturen er flott og variert, med lett tilgang til skog og mark, fjell, fjordar og elver.

Surnadal kommune er ein stor arbeidsplass med eit mangfald av oppgåver og tenester som blir utført av dyktige medarbeidarar. Vi tilbyr varierte og spanande arbeidsoppgåver,triveleg kollegaer og gode pensjonsordningar. Vi har omlag 675 medarbeidarar fordelt på omlag 540 årsverk. Desse er fordelt på mange ulike arbeidsstader, og med forskjellige yrke og kompetanse. Saman har vi eit felles ansvar for å arbeide til beste for innbyggarane våre.

Vi ønskjer tilsette som kan vere gode bidragsytarar i utviklinga av dei kommunale tenestene.Det er difor viktig at du er fleksibel, tek ansvar, viser initiativ og kan bidra til utvikling av eit godt arbeidsmiljø.

helsestillinger.com